Om Nynorsk bedriftsforum
Nynorsk bedriftsforum er eit landsdekkande kontaktnett av og for nynorskbedrifter. Forumet vart stifta 15. november 2022.
Visjon
Visjonen til Nynorsk bedriftsforum er at det skal vere like enkelt å vere nynorskbedrift som bokmålsbedrift.
Formål
Nynorsk bedriftsforum skal vere eit landsdekkande kontaktnett av og for nynorskbedrifter.
Forumet skal:
arbeide for å fremje interessene til nynorskbedriftene
fungere som eit nettverk for samarbeid og kunnskapsdeling
bidra til å profilere nynorskbedrifter og bedrifter som tilbyr produkt og tenester på nynorsk
tale nynorskbedriftene si sak i målpolitiske spørsmål
Organisasjons-
form
Nynorsk bedriftsforum er ein sjølveigande medlemsorganisasjon. Drifta av organsisasjonen skal i all hovudsak finansierast av medlemspengar.
Alle betalande medlemsbedrifter har rett til å delta på årsmøte, har stemmerett og er valføre til tillitsverv i foreininga.
Årsmøtet er foreininga si høgste myndigheit.
Styre og dagleg
leiing
Nynorsk bedriftsforum har eit styre på 5–7 medlemmar. Styret er høgste myndigheit mellom årsmøta. Styret oppnemner, og utarbeider instruks for, dagleg leiar.
