Spynorsk-premiere på Det Norske teatret 13. april
Spynorsk. The musical er ein ny musikal om demokrati, språk, pågangsmot, vaflar og draumar, og ikkje minst om Ivar Aasen, i splitter nytt og nokså uvant superheltlys.
Mockup av plakat frå Det Norske Teatret.
Are Kalvø har her dikta fram ei dystopisk framtid, vi skal til 2042, der ingen lenger engasjerer seg. Ikkje før ei ung kvinne lar seg inspirere av det ukuelege pågangsmotet og dei skyhøge ambisjonane til ein viss vestnorsk språkforskar.
Det Norske Teatret lovar eit møte med både Ivar Aasen, Aase Ivarsen og den dobbeltmoralske norske folkesjela.
Musikk: Ingrid Bjørnov
I hovudrolla som Aase Ivarsen: Julie Moe Sandø
I rolla som Ivar Aasen: Frank Kjosås
Les meir på detnorsketeatret.no
Kanskje møtest vi den 13 april?
Dersom det er nok interesse for det, blir det arrangert ei uformell samling for medlemsbedriftene før premieren 13. april. Ta kontakt med monika@nynorskbedriftene.no for meir informasjon.
