Optima Produkter AS
Om Optima Produkter AS
Tekst og foto: Optima Produkter AS
I 1997 stifta veterinær Magne Skjervheim Optima Produkter AS.
Han etablerte produksjonslokale i den private garasjen sin i Norheimsund, og her eksperimenterte han seg fram til effektive reinhalds- og hudpleieprodukt for menneske og dyr.
I dag kan bedrifta tilby ni ulike produkt for folk og åtte for dyr. I tillegg kjem ulike reinhaldsprodukt.
Produktutvikling skjer kontinuerleg, basert på ny forsking, røynslene frå universitets- og sjukehusmiljø og ulike kundegrupper. Optima Produkter AS har seks tilsette, fordelte på 4.2 årsverk.
Bedrifta legg vekt på lokal identitet og språk, og difor nyttar ein nynorsk i all marknadsføring, kommunikasjon med kundar og internt i bedrifta. Det enkle, presise nynorske språket har blitt lagt merke til både lokalt og sentralt, og i 2022 vart Optima Produkter AS heidra med Nynorsk Næringslivspris frå Noregs Mållag.
