Det Norske Teatret
Tekst og foto: Det Norske Teatret
Det Norske Teatret blei etablert i 1913 av Hulda og Arne Garborg.
I føremålsparagrafen frå 1913 står det at ein skal "syna fram skodespel på norsk mål i bygd og by". Å leggje eit nynorskteater til hovudstaden, sjølve senteret for embetsmannskulturen og den dansk-norske språktradisjonen, var sjølvsagt eit vågestykke, men også heile poenget. Inspirasjon til "målteateret" hadde Hulda og Arne henta i Berlin, frå sine reiser dit i 1890-åra og omgangen med kunstnarar ved "Freie Volksbühne", eit folkeleg selskap for litteratur og teater.
Det Norske Teatret har sidan starten vakse fram som ein av dei viktigaste og mest særeigne teaterorganisasjonar i Norden og er ein av dei aller viktigaste institusjonane for å løfte og vere eit samlande utstillingsvindauge for nynorsken i Noreg.
Med nynorsk som scenespråk og ei medviten haldning til samfunnet rundt oss, skapar vi nye uttrykk og når eit stort publikum. Vi har som mål å vere eit teater for refleksjon, oppleving og underhaldning. Kvart anna år arrangerer vi den Internasjonale Fossefestivalen.
Det Norske Teatret ligg sentralt i hovudstaden i eit moderne teaterbygg frå 1985 med tre faste scenar, i tillegg til ein scene på Rommen i Groruddalen. Teateret har over 250.000 publikummarar årleg.
Erik Ulfsby har vore teatersjef sidan 2011. Kjersti Horn tek over som teatersjef frå 2025.
