Trippel gladmelding!

May 24

Kjøpesenterkjeda Alti og samvirkelaget Coop Nordvest er Årets nynorskbrukar 2024. Begge har valt å gi prispengane vidare til Nynorsk bedriftsforum.

Prisen vert delt ut under opninga av Festspela i Aasentunet torsdag 6. juni. Med prisen følgjer 100 000 kroner. Summen er prisvinnarane samde om å gi vidare til Nynorsk bedriftsforum.

– Dette er fantastiske nyhende for organisasjonen vår, seier styreleiar i Nynorsk bedriftsforum Jan Thormodsæter. – Vi vil gratulere prisvinnarane med den gjeve utmerkinga. At prisvinnarane gir pengane vidare til oss, er ei stor og gledeleg overrasking! Bidraget vil vere til stor hjelp i arbeidet vårt.

Styret i Nynorsk kultursentrum gir prisen til Alti og Coop Nordvest for bruk av nynorsk i marknadsføring både digitalt og fysisk på kjøpesentera og butikkar.

– Alti og Coop Nordvest er to gode døme på at nynorsk har ein naturleg plass – også i kjøpesentra og mellom butikkreolane, seier Thormodsæter. – For oss er dette ei trippel gladmelding, avsluttar han.

Les kunngjeringa frå Nynorsk kultursentrum på nynorsk.no

Monika Haanes Waagan

Eg hjelper deg å skape den nye nettsida di, slik at du kan realisere forretningsideen din, kome i gang med å skaffe kundar og tene pengar til bedrifta di. Eg kan anten bygge nettsida for deg eller lære deg korleis du bygger di eiga draumenettside i Squarespace.

https://www.akka-as.no