Vil den nye språklova redde nynorsken?
Nynorsk bedriftsforum er med i panelet når Det Norske Teatret inviterer til samling under Arendalsuka 17. august.
Om arrangementet
Den nye språklova skal fremje likestilling mellom nynorsk og bokmål. Lova peikar på eit særskilt ansvar for å styrkje nynorsk, som er det minst brukte norske skriftspråket. Frå førearbeidet til språklova (KUDs framlegg) blir det slått fast at Det Norske Teatret «spelar ei vesentleg rolle for å fremje nynorsk og gje språket ei sentral rolle i samfunnet» (s 34).
Det Norske Teatret har skapt drama i meir enn 100 år. No kjem teateret og andre nynorskvenner til Arendalsveka med eit varsko om oppfølginga av den nye språklova.
Teateret inviterer til ei samling der dei spør: Betyr det noko som helst at lova seier at nynorsken skal prioriterast?
Politisk duell.
Kunstnarisk innslag frå Det Norske Teatret.
Astrid Versto er programleiar for arrangementet. Foto: Kjersti Kaasa
Følg direktesendinga frå Samfunnsteltet under Arendalsuka.
Torsdag 17/8 kl. 08:00 - 09:00
Medverkande:
Åse Wetås, direktør, Språkrådet
Erik Ulfsby, teatersjef, Det Norske Teatret
Monika Haanes Waagan, dagleg leiar, Nynorsk bedriftsforum
Peder Lofnes Hauge, leiar, Noregs Mållag
Svein Olav Langåker, dagleg leiar, Landssamanslutninga av nynorskkommunar
Torstein Tvedt Solberg, stortingsrepresentant, Arbeidarpartiet
Alfred Bjørlo, stortingsrepresentant, Venstre
Astrid Versto, programleiar, Det Norske Teatret
Har du innspel?
Korleis kan den nye språklova bidra til å fremje likestilling mellom nynorsk og bokmål på alle samfunnsområde? Korleis kan det offentlege bidra til at det blir enklare for medlemsbedriftene våre? Kva kan vi krevje frå politikarane våre?
Bruk kommentarfeltet under eller send innspela dine til monika@nynorskbedriftene.no
