Bedriftsforumet med i “Nynorskfylket Vestland”

Nynorsk bedriftsforum er frå og med juni 2023 med som fast deltakar i Nynorskfylket Vestland, eit nettverk som jobbar for auka bruk og fremjing av nynorsk på alle samfunnsområde i Vestland fylke.

Nynorskfylket Vestland er ein arena for deling, fagleg utvikling og språkpolitiske diskusjonar. Nettverket vil fremje nynorsk språkidentitet og klarspråk og løfte nynorsk som daglegspråk, i digitaliseringa, i kunsten, i opplæring, arbeids- og næringsliv. Nettverket kan gje råd til folkevalde organ i nynorsksaker.

Det er Vestland fylkeskommune som er sekretariat for Nynorskfylket Vestland, og fylkestinget i Vestland vel leiar og nestleiar for nettverket.

Om Nynorskfylket Vestland

Nyttig arena for nynorskbedriftene

– Det er ingen tvil om at dette er ein nyttig arena for oss å vere til stades på, seier Monika Haanes Waagan i Nynorsk bedriftsforum. (Foto: Nynorsk bedriftsforum)

Nynorsk bedriftsforum var til stades på sitt første møte i Nynorskfylket Vestland 22. juni 2023.

Monika Haanes Waagan var invitert til å halde ei kort innleiing om Nynorsk bedriftsforum, noko som leidde fram til mange nyttige innspel og ein god diskusjon rundt nynorsk i næringslivet.

Dei andre sakene på agendaen handla om:

• Nynorskhuset i Førde

• aktuelle språksaker (Ny opplæringslov og ny handlingsplan for norsk fagspråk)

• Vestland fylke sin regionale plan for kultur 2023-2035

• orienteringsrunde frå deltakarane

Neste møte i Nynorskfylket Vestland blir i Førde 29. september, i forkant av konferansen Nynorsk i rampelyset på det nyopna Nynorskhuset.

Desse aktørane er med i Nynorskfylket Vestland:

• Vestland fylkeskommune

• Statsforvaltaren i Vestland

• Universitetet i Bergen

• Høgskulen på Vestlandet

• Utdanningsforbundet Vestland

• KS Vest-Norge

• Lotteri- og stiftelsestilsynet

• Sogn og Fjordane Mållag

• Hordaland Mållag

• LNK – Landssamanslutninga av nynorskkommunar

• Memoar – norsk organisasjon for munnleg historie

• Olav H. Hauge-senteret/Nynorsk kultursentrum

• Jakob Sande – senter for forteljekunst

• Sparebanken Sogn og Fjordane

• Det Vestnorske Teateret

• Teater Vestland

• Bergen Internasjonale litteraturfestival

• Nynorsk avissenter

• Nynorsk mediesenter

• Litteraturbåten Epos

• Nynorsk bedriftsforum

---