Målblome og gåvemedlemskap til Geiranger Bryggeri AS
- Det gjeld å ta vare på språket og særpreget vårt, sa dagleg leiar Frank Maråk, då han tok imot Målblomen frå Stranda mållag under ei tilskiping i Geiranger 28. september.
I grunngjevinga si la mållaget mellom anna vekt på at bedrifta si nettside har ein tydeleg nynorsk profil, og at dette også gjeld i andre medium som bedrifta nyttar.
Det var ordførar i Stranda, Einar Arve Nordang, som stod for utdelinga.
Stranda mållag arbeider aktivt gjennom året for å styrke nynorsk i lokalt næringsliv, lag og organisasjonar. Utdelinga av Målblomen og den årlege Målprisen til aktørar som fortener litt ekstra heider, er eit ledd i dette i arbeidet.
I tillegg til blomebuketten, fekk bedrifta eit gåvemedlemskap i Nynorsk bedriftsforum.
Vi gratulerer Geiranger Bryggeri med utmerkinga og ønsker bedrifta hjarteleg velkomen som medlem i Nynorsk bedriftsforum!
Foto: Stranda mållag.
