Pris og gåvemedlemskap til Nordfjordkompaniet
– At vi har fått denne utmerkinga, er det største som har hendt meg så lenge eg har vore tilsett, og eg har vore med frå starten, sa ein tydeleg rørt Tom Øyvind Solheim då han takka for prisen.
Det er Noregs Mållag som kvart år deler ut Nynorsk næringslivspris. Nordfjordkompaniet vart tildelt den gjeve prisen under eit arrangement på Operahuset Nordfjord 28. august.
I tillegg til diplom og blomar, fekk prisvinnarane påspandert eitt års medlemskap i Nynorsk bedriftsforum.
“Nordfjordkompaniet, med sin tydelege nynorskprofil og språklege medvit, bidreg til å heve statusen til det nynorske språket innanfor yrkesfaga. Dei er eit føredøme for både lærlingane, medlemsbedriftene, andre opplæringskontor og næringslivet elles,” heiter det i nyheitssaka på nm.no.
Vi gratulerer Nordfjordkompaniet med Nynorsk næringslivspris og ønsker supergjengen hjarteleg velkomen som medlemsbedrift i Nynorsk bedriftsforum!
Supersjef i Nordfjordkompaniet Tom-Øyvind Solheim
Foto: Nynorsk bedriftsforum
