7 nye medlemmar i februar
Nynorsk bedriftsforum vaks med sju nye medlemsbedrifter i februar. Det vil seie at medlemstalet vårt no er oppe i 21. Vi kunne ønske velkomen vår første medlemsbedrift frå Trøndelag, det kom to nye frå Møre og Romsdal og fire nye frå Vestland fylke.
7 ulike næringsområde
Ved innmelding ber vi bedriftene krysse av for kva næringsgruppe bedrifta høyrer inn under. Næringsgruppene tilsvarar dei 23 ulike næringsgruppene som SSB også brukar i sine statistikkar.
Dei sju nyinnmelde bedriftene denne månaden kom frå sju ulike næringsområde:
Undervisning
Overnatting og servering
Finansiering og forsikring
Fagleg, vitskapleg og teknisk tenesteyting
Industri
Transport og lagring
Informasjon og kommunikasjon
Den første frå Trøndelag
Vi har flest medlemsbedrifter frå Vestland og Møre og Romsdal, og i februar kom det to nye frå Møre og Romsdal og fire nye frå Vestland.
Det var derfor ekstra gledeleg å ønske den første bedrifta frå Trøndelag fylke Capeesh velkomen inn!
Mange ulike storleikar
Bedriftene blir også bedne om å registrere seg i ein av seks storleikskategoriar, frå 1–4 tilsette og opp til fleire enn 250 tilsette.
I februar kom det fire nye bedrifter med 5–9 tilsette, ei bedrift med 20–49, ei med 50–99 og ei med fleire enn 250 tilsette.
Dei nye medlemmane er:
Capeesh
Hotel Union Geiranger
Voss Sparebank
Gasta design og kommunikasjon
Optima Produkter
Fjord1
NordvestProfil
Vi har 21 medlemmar per 1. mars 2023
